ԵՄ-ն ուշադրությամբ հետևում է իրավիճակին Լեռնային Ղարաբաղում և ակտիվորեն աջակցում է խողովակաշարի անհրաժեշտ վերանորոգման աշխատանքներին։
Այս մասին ի պատասխան ՀՀ ԱԺ մարդու իրավունքների հանձնաժողովի նախագահ Թագուհի Թովմասյանի նամակին հայտնել է ՀՀ-ում Եվրոպական Միության պատվիրակության ղեկավար Անդրեա Վիկտորինը:
Դեսպանը նամակին կից նաև ներկայացրել է Հարավային Կովկասում Եվրամիության հատուկ ներկայացուցիչ Տոյվո Կլաարի երևանյան այցի ժամանակ տված հարցազրույցները, որոնցում ներկայացվում է ԵՄ դիրքորոշումը առկա մարտահրավերների վերաբերյալ։
