Բայդենի հեռախոսազրույցը Սի Ցզինպինի հետ

Երկու ժամ տևողությամբ զանգը պոտենցիալ շրջադարձային կետ է ԱՄՆ-ի և Չինաստանի միջև:

Սպիտակ տան պաշտոնյաների անհանգստությունն գնալով աճում է Չինաստանի նախագահ Սիի և Ռուսաստանի նախագահ Պուտինի սկսնակ գործընկերության հանդեպ: Նրանց անհանգստացնում է նաև Չինաստանի արձագանքը Ռուսաստանի՝ Ուկրաինա ներխուժմանը: Պեկինը ոչ՛ լիովին աջակցողի դերում է, ոչ՛ էլ՝ հակառակվողի: Ստեղծվում է անորոշություն, որ Բայդենը փորձում էր վերլուծել այս զանգով:

Սին զանգի սկզբում Բայդենին ասել է, որ կոնֆլիկտն ու առճակատումը ոչ մեկի շահերից չեն բխում: Նաև ավելացրել է, որ խաղաղությունն ու անվտանգությունը միջազգային հանրության ամենամեծ հարստությունն են:

Զանգը կայացել է ռուս-ուկրաինական պատերազմի կրիտիկական պահին՚:

Ըստ ԱՄՆ պաշտոնյաների Չինաստանը մտորում է Ռուսաստանին ֆինանսական և ռազմական աջակցություն տալու մասին: Եթե համաձայնի, դա կվատացնի հարաբերությունները արևմուտքի հետ տասնամյակներ և ավել ժամկետով: Նրանք անհանգստանում են, որ Չինաստանը որոշել է օգնել ՌԴ-ին ռազմական սարքավորումներով, որոնք կօգտագործվեն Ուկրաինայի դեմ:

Պաշտոնյաները նշել են, որ հնարավոր է Չինաստանը փորձի օգնել ՌԴ-ին մեղմացնել արևմտյան սանկցիաների ազդեցությունը ֆինանսական օգնությամբ, չնայած դժվար թե մեկ երկիրը կարողանա թուլացնել ԱՄՆ-ի և Եվրոպական երկրների կազմակերպած սանկցիաների հետևանքները: Զանգի ընթացքում Բայդենը փորձել է նշել Ռուսաստանին օժանդակելու բոլոր բացասական կողմերը:

Մինչև պատերազմն ԱՄՆ պաշտոնյաները հետևում էին Պուտինի և Սիի մտերմությանը: Նրանք կարծում են, որ Չինաստանը պատասխանատվություն է կրում օգտագործելու իր ազդեցությունը Պուտինի վրա և պաշտպանելու միջազգային օրենքներն ու սկզբունքները: Սակայն Չինաստանն ուղղվում է հակառակ կողմ՝ մերժելով Ռուսաստանի ագրեսիվ լինելու փաստը:

Աղբյուրը՝ CNN News