Ուկրաինա Ռուսաստանի ներխուժման սկզբից ի վեր մարտերի ընթացքում 115 ուկրաինացի երեխա է զոհվել, ևս 140-ը վիրավորվել է։ Այս մասին հայտնում է Ուկրաինայի գլխավոր դատախազությունը։
ՄԱԿ-ի տվյալներով՝ Ուկրաինայում պատերազմի ընթացքում զոհվել է 847 խաղաղ բնակիչ, վիրավորվել՝ 1399 մարդ։ Կազմակերպությունը նշում է, որ իրական թվերը կարող են շատ ավելի մեծ լինել։
Խարկովի մարզային ռազմական վարչակազմի ղեկավար Օլեգ Սինեգուբովի խոսքով՝ մարտի 20-ի գիշերը Խարկովի Արդյունաբերական շրջանի հրթիռակոծության հետևանքով զոհվել են մի տղամարդ և ինը տարեկան երեխա։ Տեղի ոստիկանության պետի օգնական Վյաչեսլավ Մարկովը հայտնում է հինգ խաղաղ բնակիչների մահվան մասին
