«Իմ ականջին տարբեր բաներ են գալիս հասնում, որ ես զբաղված եմ, փաստաթղթեր չեմ ստորագրում՝ սկսած ավարտական ակտից, շինթույլտվություններից»: Այս մասին այսօր Երևանի քաղաքապետրանում գործակարգավարական խորհրդակցության նիստին ասաց Երևանի քաղաքապետ Հրաչյա Սարգսյանը:
«Այն, որ ասում են, թե քաղաքապետը զբաղված է ու ավարտական ակտ չի ստորագրում, դա սուտ է, այդ դեպքերում խնդրում եմ զանգել թեժ գիծ: Ի՞նչ է նշանակում՝ քաղաքապետը զբաղված է, իմ գործն է, ես պետք է անեմ, դա էլ է գործ»,- ասաց նա և նշեց, որ պետք չէ իր անունը շահարկել:
«Ես արդեն այստեղ ուրիշ միտում եմ տեսնում, մի արեք այնպես, որ սկսեմ զբաղվել արդեն անուններով»,- ասաց նա: Քաղաքապետը նշեց, որ եթե խնդիր կա ավարտական ակտերի հետ կապված, պետք է ասեն, քանի որ նման լուրեր տարբեր տեղերից են գալիս:
«Ես հասկանում եմ, եթե ես մի բան չեմ ստորագրում, քաղաքապետարանը կանգնած է, եթե ես փոստ չնայեմ, դուք ժամը իննից ոչ մի բանով չեք զբաղվելու, ժամը վեցն էլ գալու էր, հինգ րոպե շուտ թողնելու եք գնալու էիք տուն, էդ գործերը մնալու էր: Գիտեմ ինչ եմ ասում, ասում է՝ не первый день замужем: Փոքր քաղաք է, հինգ րոպեում գալիս հասնում է»,- ասաց նա:
