Չինաստանի կառավարությունը մտադիր է Ուկրաինային տրամադրել 10 մլն յուան (մոտ 1,57 մլն դոլար) մարդասիրական օգնության լրացուցիչ խմբաքանակ։ Այս մասին հայտնել է Չինաստանի ԱԳՆ պաշտոնական ներկայացուցիչ Վան Վենբինը։
«Չինաստանի կառավարությունը որոշել է Ուկրաինային տրամադրել 10 միլիոն յուանի չափով մարդասիրական օգնության լրացուցիչ խմբաքանակ»,- ասել է պաշտոնյան հերթական ճեպազրույցում։
Նրա խոսքով՝ Չինաստանը դա արել է իրավիճակի զարգացմանն ու կարիքներին համապատասխան։
«Չինական կողմը կշարունակի կառուցողական դեր խաղալ Ուկրաինայում հումանիտար իրավիճակի հարթման գործում և մտադիր է նպաստել հումանիտար ճգնաժամի հաղթահարմանը»,- հավելել է Վան Վենբինը։
Ավելի վաղ՝ մարտի 9-ին, Չինաստանի ԱԳՆ-ն հայտարարել էր, որ չինական Կարմիր խաչի ընկերությունը Ուկրաինային տրամադրել է 5 միլիոն յուանի (մոտ 787 հազար դոլար) արժողությամբ մարդասիրական օգնության առաջին խմբաքանակը։
