«Հայաստանի անշարժ գույքի վարձակալության շուկան անակնկալ արձանագրել է աննախադեպ մեծ գնաճ: Արդյոք ունե՞նք որևէ գործիքակազմ այս գնաճը զսպելու համար»,- այսօր՝ մարտի 21-ին, ԱԺ ֆինանսավարկային և բյուջետային հարցերի մշտական հանձնաժողովի նիստում Կառավարության ծրագրի 2021թ. կատարման ընթացքի և արդյունքների վերաբերյալ քննարկմանը ասաց պարոն Թումասյանը և հավելեց, որ մի քանի ամսից, երբ սկսվի զբոսաշրջային սեզոնը, գուցե որոշ զբոսաշրջիկներ խուսափեն այցելել Հայաստան, քանի որ հնարավոր է չգտնեն անշարժ գույք ապրելու համար:
Վերջինիս խոսքով՝ քաղաքացիները դրսում հայտնվելու վտանգի առջև են կանգնած զուտ այն բանի համար, որ նրանք ժամանակին չեն կնքել վարձակալության պայմանագրեր, և թաքցվել է 10 տոկոս եկամտահարկ. «Այսօր ավելի ծանր է նստում այդ քաղաքացիների վրա»:
Ի պատասխան Տիգրան Խաչատրյանն ասաց. «Հարգելի քաղաքացիներ, չնայած դուք չէիք սպասում, բայց առաջանում են իրավիճակներ, որոնցում ձեր շահերի լավագույն պաշտպանությունը ձեր վարձակալության իրավունքների պետական գրանցումն է»:
