Ֆիզիկական և իրավաբանական անձանց կողմից Meta Platforms-ի արտադրանքի օգտագործումը, որը ներառում է Facebook, Instagram և WhatsApp-ը, չի կարող ճանաչվել որպես ծայրահեղականություն։ Այս մասին հայտարարել է Մոսկվայի Տվերսկոյի շրջանային դատարանի դատախազը, որտեղ քննարկվում է Մետային ծայրահեղական կազմակերպություն ճանաչելու և Ռուսաստանի Դաշնությունում նրա գործունեությունը արգելելու մասին գլխավոր դատախազության դիմումը։
«Մետայի արտադրանքի օգտագործումը ֆիզիկական անձանց և կազմակերպությունների կողմից չպետք է դիտվի որպես մասնակցություն ծայրահեղական գործունեությանը», – ասել է նա։ «Մարդիկ պատասխանատվության չեն ենթարկվի միայն այն բանի համար, որ օգտվում են Meta-ի ծառայություններից»,- պարզաբանեց դատախազը։
Դատախազի խոսքով՝ Մետային կարգելեն բիզնեսով զբաղվել Ռուսաստանում։ «Մետա»-ն չի կարողանա մասնաճյուղեր բացել և կոմերցիոն գործունեություն ծավալել։ Խոսքը ընկերության գործունեության, նրա բիզնես կառույցների արգելման մասին է»,- պարզաբանել է դատախազը։
