Նավահանգստային քաղաք Մարիուպոլը, որը մինչև ռուսական ներխուժումը տուն էր 450000 մարդու համար, մարտի սկզբից ռուսական ուժերի կողմից մշտական հարձակումների տակ է։ Մինչ ռուսական ուլտիմատումն առաջարկում էր քաղաքից անվտանգ ելք նրանց, ովքեր կհանձնվեին, մնացողներին այդպիսի երաշխիք չէր տրվել։
Ռուսաստանը բազմիցս մեղադրվել է խաղաղ բնակչությանը թիրախավորելու մեջ։ Նրանց նվաճողական քայլերը հանգեցրել են հիմնական ծառայությունների ամբողջական փլուզմանը, ինչի պատճառով էլ բնակչությունը չի կարողանում օգտվել գազի, էլեկտրականության, ջրի սպասարկման ծառայություններից։ Դիակները մնում են փողոցներում, որովհետև չափազանց վտանգավոր է նույնիսկ փորձել մոտենալը։ Մարդիկ վախենում են դուրս գալ իրենց ստորգետնյա ապաստարաններից անգամ ամենաանհրաժեշտ պարագաների համար։ Փորձում են ավելի քիչ ջուր խմել և ուտել՝ սննդի պաշարները տնտեսելու նպատակով։
Գրոհի ընթացքում մահացու հարվածներ են իրականացվել ծննդատան վրա, առանձին ռմբակոծվել են թատրոնը և արվեստի դպրոցը, որտեղ ապաստարան էին գտել հարյուրավոր մարդիկ։ Զոհերի և վիրավորների թիվն առայժմ անհայտ է, քանի որ դեռ տեղի են ունենում փրկարարական ծառայություններ։ Ռուսաստանի պաշտպանության նախարարությունը Մարիուպոլի տեղական իշխանություններին կոչ էր արել հանձնել քաղաքը ռուսական ուժերին մինչև Երկուշաբթի օրվա առավոտյան ժամը հինգը։
Հարցազրույցի ժամանակ Ուկրաինայի փոխվարչապետը մերժել է ՌԴ-ի նշանակած պայմանները՝ շարադրված ութ էջից կազմված փաստաթղթի մեջ։ Նա ընդգծել է, որ ո՛չ հանձնվելու և ո՛չ էլ զենքը վայր դնելու մասին քննարկում չի կարող լինել։ Նաև հավելել է, որ դա իրենից ներկայացնում է գիտակցված մանիպուլյացիա և գերիներ վերցնելու փորձ։ Մարիուպոլն արդեն մի քանի շաբաթ է, ինչ շրջափակման մեջ է։ Ուկրաինայի նածագահն ասել է, որ այն, ինչ ռուսական ուժերն արել և անում են Մարիուպոլի հետ ահաբեկչական գործողությունէ, որը կհիշվի դարեր։
