«Այսօր մի քաղաքական ուժ, որի առաջնորդը միակն է Հայաստանի պատմության ղեկավարներից, ով 2002 թվականի Քի Վեսթում հարցականի տակ է դրել ՀՀ տարածքային ամբողջականությունը՝ առաջարկելով Ադրբեջանի նգախագահին փոխանակել մեղրին ու Արցախը»: Այս մասին այսօր Ազգային ժողովում՝ անդրադռնալով «Հայաստան» դաշինքի ներկայացրած օրենքի նախագիծը, ասաց «Քաղաքացիական պայմանագիր» խմբակցության պատգամավոր Վահագն Ալեքսանյանը:
ԱԺ դահլիճից ընդդիմադիր պատգամավորները սկսեցին արձագանքել և բացականչել, որ սուտ է: «Սուտը ձեր ինքնությունն է, խնդրում եմ ինձ այստեղ մի պիտակավորեք»,-ասաց Վահագն Ալեքսանյանը:
ԱԺ փոխխոսնակ Հակոբ Արշակյանը նկատեց, որ ամբողջ ֆրակցիայով ելույթի համար գրանցվել են և ելույթ ունեցողին չարձագանքել: «Պարոն Զաքարյան ձեզ նախազգուշացում»,-ասաց նա:
Վահագն Ալեքսանյանը շարունակեց ելույթը և նշեց, որ պատերազմը իրենց համար ողբերգություն է, իսկ ոմանց համար լավ վիդիոմատերիալ է, որ նախընտրական քարոզարշավի տեսահոլովակների ժամանակ կադրեր ցույց տան: «Պատերազմը ձեզ համար ընդամենը վիդիոարխիվ է, որից դուք կկարողանաք քաղել ողբ և դա փորձել դարձնել քաղաքական դիվիդենտ: Դուք բարյաքաթարի ամբասադորներն եք Հայաստանում, որովհետև ձեր նախընտրական ուժը քարոզարշավի ժամանակ հայկական հեռուստաընկերություններով եթեր է հեռարձակել թուրքական բարյաքթարից նկարած կադրեր: Դուք այդքանից հետո եկել այստեղ ինչ-որ բան եք ուզում ապացուցե՞լ, հայրենասիրության դա՞ս եք ուզում տաք: Երիտթուրքերից մինչև բարիաքթար, սա ձեր քաղաքական հետագիծն է և սա դաջված է մնալու ձեզ»,-ասաց նա:
Նրա ելույթից հետո իշխանության անդամները ծափահարեցին նրան, իսկ ԱԺ փոխխոսնակ Հակոբ Արշակյանը արձագանքեց.«Արժե ծափահարել, իրականությունից զատ այլ բան չի ասում այս մարդը»: Ի պատասխան ընդդիմության դժգոհության, նա ասաց, որ պատգամավորը փաստ է արձագանքել, եթե վիրավորական է ուրեմն թող գնան ջնջեն այդ վիդիոները:
