Եվրոպական ֆուտբոլային ասոցիացիաների միությունը (ՈՒԵՖԱ) մտադիր է խզել ռուսաստանյան հեռուստաընկերության հետ ազգային հավաքականների առաջիկա հանդիպումները ցուցադրելու պայմանագիրը՝ կապված Ուկրաինայում տիրող իրավիճակի հետ, հայտնում է sports.yahoo.com-ը՝ վկայակոչելով PA News Agency-ին։
Պայմանագրի անհապաղ խզման հարցը ուսումնասիրվում է։ Ռուսաստանում հեռարձակման իրավունք ունի Match TV-ն։
Ավելի վաղ՝ մարտին, Անգլիայի Պրեմիեր լիգան դադարեցրել էր ֆուտբոլային հանդիպումների ցուցադրությունը Ռուսաստանում՝ Ուկրաինայում ստեղծված իրավիճակի պատճառով։Նաև Ֆրանսիայի պրոֆեսիոնալ ֆուտբոլի լիգան (LFP) կասեցրել է Ռուսաստանում ֆուտբոլի Ֆրանսիայի առաջնության խաղերի ցուցադրման պայմանագիրը։
