Անատոլի Չուբայսը լքել է Ռուսաստանի նախագահի հատուկ ներկայացուցչի պաշտոնը։ Այս մասին հայտնում են Bloomberg-ի, Reuters-ի և TASS-ի աղբյուրները։ Bloomberg-ի զրուցակիցները պնդում են, որ դա պայմանավորված է Ուկրաինայում ռազմական գործողության հետ նրա անհամաձայնությամբ։ Գործակալության տվյալներով՝ նա լքել է երկիրը։
“Այո, դա ճիշտ է. Անատոլի Բորիսովիչը լքում է այդ պաշտոնը»,- ասել է ՏԱՍՍ-ի աղբյուրը։
Անատոլի Չուբայսը 66 տարեկան է։ 2020 թվականի դեկտեմբերից նա նախագահի հատուկ ներկայացուցիչն է միջազգային կազմակերպությունների հետ կապերի գծով Կայուն զարգացման նպատակներին հասնելու համար։ 2008-2020 թվականներին նա գլխավորել է «Роснано»-ն։ 1990-ականներին նա աշխատել է որպես նախագահի աշխատակազմի ղեկավար, կառավարության նախագահի առաջին տեղակալ, ֆինանսների նախարար։
