«Գարեգին Միսկարյանը հարցնում է. «Մարդ կա՞, որը կարծում է, թե Հայաստանի Հանրապետությունը Արցախյան պատերազմում հաղթել է»։ Պատասխանեմ. Հայաստանն Արցախյան պատերազմում ոչ հաղթել է, ոչ էլ պարտվել: Ինչպես և, ի դեպ, Ադրբեջանը:
Ավելին. դա ոչ էլ պատերազմ էր բառի դասական իմաստով, երբ մեկը հարձակվում է, մյուսը պաշտպանվում, և ի վերջո ուժեղը հաղթում է թույլին… Դա հակամարտություն էր, ռազմական բախում էր՝ որոշակի «վերահսկողությամբ», որտեղ հաղթող ու պարտվող չէր լինելու: Թե՛ 90-ականներին, թե՛ 2016-ին, թե՛ 2020-ին:
Հաղթող կամ պարտվող չի լինելու նաև հետո, եթե դարձյալ բախում բռնկվի, և կարիք չկա լուրջ ընդունել եղերամայրերի կերպարանք առած հայ որոշ քաղգործիչների բայղուշությունը, թե Հայաստանը պարտվել է ու կործանվում է…
Այսուհանդերձ, չմոռանամ ասել ամենակարևորը. Արցախյան շարժման ակնառու և անշրջելի արդյունքն այն է, որ Հայաստանը մաքրվեց ադրբեջանցիներից: Իսկ թե դրանից հետո ինչպես խուրդվեց ու նսեմացվեց այդ արդյունքը՝ այլ թեմա է»,- գրել է մտավորական Վասակ Դարբինյանը։
