Արդեն երեք օր Արցախի Հանրապետության քաղաքացիները զրկված են բնական գազի մատակարարումից։ Սա տեղի է ունեցել Ադրբեջանի միջամտության արդյունքում: Այս մասին կառավարության հերթական նիստին ասաց ՀՀ վարչապետ Նիկոլ Փաշինյանը:
Վարչապետը ներկայացրեց Ադրբեջանի գործողություրնները Արցախի գազամատակարարման խափանման ընթացքում և նշեց, որ Ադրբեջանը մարտի քսանմեկին առանց պայթյունի փակել է գազատարի փականը, այդպիսով ապացուցելով, որ ինքն է հեղինակել նաև մարտի յոթի գազատարի խափանումը:
Վարչապետը նկատեց որ թե մարտի 7-ին, թե մարտի 21-ին վերջին 30 տարվա մեջ աննախադեպ չափի ձյուն է տեղացել, որի հետևանքով ցուրտ է եղել Արցախում և այս պայմաններում Արցախը Ադրբեջանի կողմից դիտավորյալ զրկվել է մանկապարտեզները, հիվանդանոցները, դպրոցները ջեռուցելու համար կենսական նշանակություն ունեցող բնական գազի մատակարարումից:
«Սա բավարար է հասկանալու համար, որ Ադրբեջանի գրոծողությունների արդյունքում Արցախը հայտնվել է հումանիտար աղետի շեմին: Չեմ կասկածում նաև, որ Արցախի հերոսական ժողովուրդը կհաղթահարի այս փորձությունը նույնպես, բայց այս գիտակցմամբ պետք է արձանագրեմ, որ Ադրբեջանը իր գործողություններով նաև ծառայություն է մատուցում Արցախի ժողովրդին, քանի որ գազատարի հետ կապված այս դրվագը միջազգային հանրության համար շատ դիպուկ և համառոտ նկարագրություն է Արցախի հիմնախնդրին: Այս դրվագի շնորհիվ միջազգային հանրությունը Ղարաբաղի հիմնախնդրի էությունը կարող է հասկանալ առանց հարյուրավոր էջեր թերթելու, սա անառարկելիորեն ի ցույց է տդնում Ադրբեջանի քաղաքականությունը ՝ արցախահայության նկատմամբ, այն է ՝անհնար դարձնել նրանց ապրելը սեփական հայրենիքում»,-ասաց նա:
Վարչապետը նկատեց, որ ամեն ինչ ցույց է տալիս, այն փաստը, որ այսքան տառապանքներից ու զրկանանքներից հետո հենց այս պահին Արցախում շուրջ 17 հազար հայ է ապրում, ինչը Ադրբեջանը համարում է իր ամենամեծ պարտությունը և խնդիր է դրված ամեն ինչ անել Արցախում էթնիկ զտումների քաղաքականությունը ավարտին հասցնելու համար:
Նիկոլ Փաշինյանն ասաց, որ խաղաղ զարգացման դարաշրջան բացելու մեր որդեգրած քաղաքականությունը այլընտրանք չունի, ընդհակառակը իր այս գործողություններով, զանազան սադրանքներով, Ադրբեջանը փորձում է մեզ շեղել խաղաղության օրակարգից, տարածաշրջանում նոր էսկալացիաներ, նոր պատերազմներ հրահրելու իր քաղաքականությունը կյանքի կոչելու համար, բայց մենք չպետք է տրվենք այդօրինակ սադրանքների:
«Ասել եմ, որ խաղաղության օրակարգը կյանքի կոչելու համար, մեզ անհրաժեշտ են ամուր նյարդեր և մենք որևէ կերպ մեր հռչակած ռազմավարությունից չպետք է շեղվենք: Մարտի 10-ին Ադրբեջանի կողից փոխանցված առաջարկներում մեզ համար անընդունելի ոչինչ չկա, այլ բան, որ այդ առաջարկները չեն հասցեագրում
Հայաստան-Ադրբեջան համապարփակ խաղաղության օրակարգի բոլոր հարցերը, լրացրել ենք օրակարգը և հետևաբար այդ հենքի վրա պատրաստ ենք խաղաղության բանակցությունների մեկնարկին»,-ասաց նա:
Նա նկատեց, որ թեև Հայաստանը հայտարարում է, որ առաջարկները ընդունելի են, իսկ Ադրբեջանը փակում է գազատարը, և սա ամենամեծ ապացույցն է այն բանի, որ Ադրբեջանի օրակարգը խաղաղությունից շեղելն է: Վարչապետն անդրադարձավ նաև , այս առիթով ընդդիմության քննադատություններին և փաստեր ներկայացրեց նրանց նախկինում ասված խոսքերից:
«Կարծում ենք ԼՂ հիմնախնդիրը չի եղել տարածքի խնդիր և հիմա էլ այդպիսին չէ, այլ իրավունքի խնդիր է և պաշտպանելու ենք Արցախի հայության իրավունքները՝ չարհամարհելով այլ ժողովուրդների իարվունքները: Իրավիճակը աշխարհում և տարածաշրջանում լարված է և մենք պատասխանատու ենք համարում այդ լարվածությունը նվազացնելու և հիմանրար լուծումներ գտնելու հարցում: Այս առուվ մենք կարծում ենք, որ Հայաստանի և Ադրբեջանի միջև խաղաղության բանակցությունները պետք է սկսել օր առաջ և արձանագրել սահմանների դեմարկացիայի և դեմիլիտացիայի աշխատանքները արագացնելու անհրաժեշտությունը»,-ասաց նա:
