Ուկրաինայի իշխանությունները պատրաստվում են դատի տալ արեւմտյան երկրներին, որոնք չեն հրաժարվել ռուսական նավթի ներկրումից։ Այս մասին հայտարարել է Ուկրաինայի նախագահ Վլադիմիր Զելենսկու տնտեսական հարցերով խորհրդական Օլեգ Ուստենկոն։
Բրիտանական Sky News հեռուստաալիքին տված հարցազրույցում Ուստենկոն անընդունելի է համարել այն փաստը, որ ԵՄ-ն չի միացել Ռուսաստանի Դաշնության դեմ նավթային պատժամիջոցներին։ «Ամբողջ քաղաքակիրթ աշխարհը փորձում է դադարեցնել այս պատերազմը, միևնույն ժամանակ փող են ուղարկում այն ֆինանսավորելու համար»,- ասել է Զելենսկու խորհրդականը։
Ավելի վաղ Կրեմլը զգուշացրել էր Եվրոպային, որ ԱՄՆ-ը եվրոպական երկրներին նավթ ու գազ անվճար չի մատակարարի։ ՌԴ նախագահի մամուլի քարտուղար Դմիտրի Պեսկովը հայտնել է, որ եվրոպական երկրներում վառելիքի գինը կկրկնապատկվի, ինչի հիման վրա գազը ռուբլով գնելու Ռուսաստանի առաջարկն ավելի շահավետ է։
