Թատրոնի միջազգային օրը Ալ. Սպենդիարյանի անվան օպերայի եւ բալետի ազգային ակադեմիական թատրոնում, ինչպես արդեն գիտեք, անցկացվեց 21-րդ «Արտավազդ» մրցանակաբաշխությունը:
Այս մասին գրառում է կատարել Երևանի քաղաքապետ Հրաչյա Սարգսյանը:
«Շնորհավորում եմ բոլոր մրցանակակիրներին, շնորհակալություն հայ թատրոնի զարգացման գործում Ձեր բացառիկ ներդրման և վաստակի համար։
Ուզում եմ շնորհակալություն հայտնել նաեւ կազմակերպչական ողջ թիմին՝ հրաշալի և հուզումնառատ միջոցառում կազմակերպելու համար։
ՀԳ՝ Մրցանակաբաշխությունն այս տարի իրականություն է դարձրել Հայաստանի թատերական գործիչների միությունը՝ Երեւանի քաղաքապետարանի հովանավորությամբ, ՀՀ ԿԳՄՍ նախարարության եւ Հայաստանի Հանրային հեռուստաընկերության աջակցությամբ»,- ասված է գրառման մեջ։
