Carlsberg գարեջրագործական կոնցեռնը կվաճառի ակտիվները Ռուսաստանի Դաշնությունում և կհեռանա ռուսական շուկայից։ Այս մասին ասված է հայտարարության մեջ։
Carlsberg-ն ասել է, որ «խորապես ցավում է» իր 8400 ռուսաստանցի աշխատակիցների համար այս որոշման հետևանքների համար և ընդգծել, որ մինչև ակտիվների վաճառքի ավարտը կշարունակեն գործել և կշարունակեն վճարել իրենց աշխատավարձերը։
Ընկերության շահույթը Ռուսաստանում խոստացվել է փոխանցել բարեգործական կազմակերպություններին։
Carlsberg կոնցեռնին է պատկանում Baltika գարեջրագործական ընկերությունը։ Արտադրողին են պատկանում նաև այնպիսի ապրանքանիշեր, ինչպիսիք են Tuborg-ը, Holsten-ը և Kronenburg-ը: Baltika-ի մամուլի ծառայությունը հայտնել է, որ ընկերությունը կշարունակի աշխատել։
Մարտի 28-ի առավոտյան Heineken-ը հայտարարեց Ռուսաստանի Դաշնությունում իր գործունեությունը դադարեցնելու մասին։ Ռուսաստանում Heineken-ի բիզնեսը կփոխանցվի նոր սեփականատիրոջ՝ մինչ այդ ընկերությանը պատկանող բոլոր յոթ գործարանները կշարունակեն աշխատել։
Մեկ այլ խոշորագույն գարեջուր արտադրող Anheuser-Busch InBev ընկերությունը շարունակում է աշխատել ռուսական շուկայում։ Մարտի 28-ին ընկերությունը որոշել է դադարեցնել իր բրենդային Bud ապրանքանիշի արտադրությունը Ռուսաստանի Դաշնությունում։
