«Դուք կառավարությանը գնահատական եք տալիս՝ առանց խորանալու․ 30 տարվա պետություն ենք․ մենք պետք է նայենք՝ այս կառավարությունն ինչով է նախորդ կառավարություններից տարբերվում։ Պետք է նայել՝ այս կառավարությունն ինչպես է վերաբերվում Արցախի իշխանություններին, իսկ Արցախի իշխանություններին ամենամեծ կարգավիճակը տվողն այս կառավարությունն է եղել, ամենամեծ գումար տվողն այս կառավարությունն է եղել․ այսօրվա արդյունքը 30 տարվա սխալ վարած քաղաքականության արդյունքն է եղել»։
Նշեց Խաչատուր Սուքիասյանը Ազգային ժողովի ժամանակ։
«Ծանր ժամանակներ են, և ես ուզում եմ դիմել մեր բոլոր հարևաններին, որ դարեր շարունակ այս տարածաշրջանը դարձրել է պատերազմական գոտի, դարեր շարունակ մեկին մյուսի հետ կռվացրել են, բայց այդ մարդիկ հազարամյակներ այս նույն տարածքում են ապրել։ Հիմա ուզում եմ մի բան հասկանալ՝ ինչքա՞ն պետք է միշտ կռվենք, ավիրվենք, մեր երիտասարդները զոհվեն, ամեն ինչ քանդուքարափ լինի, հետո տասնյակ տարիներ նորից ուզենանք վերականգնենք։ Հարաբերությունների այս մտածելակերպը, այս վարվելակերպը պետք է վերանա այս տարածաշրջանից, հակառակ դեպքում պետք է հազարամյակներ մեր սերունդները շատ վատ տարածքոււմ ապրեն։Մեր ուզածն ի՞նչ է․ կա դիվանագիտական լեզու, կա դիվանագիտական ինստիտուտ, որը շատ հստակ իր աշխատանքը կատարում է․․․»
Նա նաև հավելեց «Մենք մեր սերունդների առջև պարտավորվածություն չունե՞նք․ չե՞նք կարող ստեղծել զարգացած տարածաշրջան։ 30 տարի մի օր հարց տվել ե՞ք, էդ որ գնում եք կազինոներում կրվում եք, էդ որ թալանում եք, էդ որ սաղ փողերը հանել տարել եք, դրսերում շենքեր եք ձեռք բերել, ինչի՞ համար եք արել․ Ղարաբաղը պաշտպանեիք, զենք ձեռք բերեիք, բանակ ստեղծեիք, առողջապահություն ստեղծեիք։ Մեր հարևան պետություններն էլ պետք է գիտակցեն, որ պետք չի տարածաշրջանում ոչ մի կոնֆլիկտ ստեղծել, ոչ էլ պատերազմական գործողություններ, այլ պետք է մեկս մյուսին աջակցենք՝ որպեսզի զարգանանք, մեկա հարևաններ ենք, ապրելու ենք դարերով նույն տեղում»։
