Բրիտանական լրատվամիջոցների փոխանցմամբ՝ ռուս միլիարդատերը Կրեմլի ղեկավարին տվել է Զելենսկիի ձեռագիր գրությունը՝ խաղաղության պայմաններով, որից հետո նա պատասխանել է՝ «Ասա նրան, որ ես կոչնչացնեմ նրանց»։
Ռուս օլիգարխ Ռոման Աբրամովիչը միջնորդում է ռուս-ուկրաինական խաղաղ բանակցություններում։ «Չելսի» ֆուտբոլային ակումբի սեփականատերը թռչել է Ստամբուլի, Կիևի և Մոսկվայի միջև՝ Վլադիմիր Պուտինին և Վլադիմիր Զելենսկիին ուղերձներ փոխանցելու համար։ Սակայն, երբ Ռուսաստանի նախագահին հանձնել են Ուկրաինայի նախագահի ձեռագիր գրությունը խաղաղության պայմաններով, նա կատաղության մեջ է ընկել և պատասխանել. «Ասա նրան, որ ես կկործանեմ նրանց»: Այս մասին հայտնում է «The Times» բրիտանական հրատարակությունը՝ վկայակոչելով աղբյուրին։
Անցյալ չորեքշաբթի առավոտյան՝ մարտի 23-ին, մասնավոր Hawker 800XP ինքնաթիռը, որում եղել է Ռոման Աբրամովիչը, Ստամբուլի օդանավակայանից թռել է Մոսկվա և Պուտինին հանձնել Զելենսկու գրությունը: Նույն օրը երեկոյան այս ինքնաթիռը օդ է բարձրացել Ռուսաստանի մայրաքաղաքի օդանավակայանից և վերադարձել Թուրքիայի մայրաքաղաք։
Դրանից հետո Աբրամովիչը կապ է հաստատել ուկրաինացի քաղաքական գործիչ Ռուստեմ Ումերովի հետ, ով հանդես է գալիս որպես Կիևից բանակցող, ինչպես նաև Ռեջեփ Թայիփ Էրդողանի մամուլի քարտուղար Իբրահիմ Կալինի հետ։
Լրագրողների խոսքով՝ իրենց հաջողվել է առաջընթաց գրանցել պատվիրակությունների հետագա բանակցություններում, որոնք պետք է անցկացվեն Թուրքիայում մարտի 29-ին։ Աբրամովիչն ու Ումերովը Լեհաստանով մեկնել են նաև Կիև, որտեղ հանդիպել են Վլադիմիր Զելենսկու հետ։
Մանրամասները՝ աղբյուրում։
