Վլադիմիր Պոզների հեղինակային հաղորդումը դադարեցվել է Առաջին ալիքի եթերով ցուցադրվել Ուկրաինայում պատերազմի սկսվելուց հետո: Դրա վրա ուշադրություն է դարձրել «Агентство»-ն։ Սովորաբար երկուշաբթի եթեր դուրս եկող հաղորդումը, վերջին անգամ ցուցադրվել է փետրվարի 21-ին։
Մարտի 28-ին «Познер»-ի փոխարեն ցուցադրվել է քաղաքական թոք շոու «Большая игра»-ն։
Ինչպես նշում է «Агентство» գործակալությունը, նախկինում էլ հաղորդման թողարկման երկար ընդմիջումներ են եղել, սակայն այդ դադարները եղել են ամռանը՝ հեռուստատեսային սեզոնից դուրս։
Ինքը՝ Պոզները, ում գրել է գործակալությունը մեկնաբանության համար, կարդացել է հաղորդագրությունները, սակայն չի պատասխանել դրանց: Նրա օգնականն ասել է, որ չգիտի, թե հաջորդ ծրագիրը երբ կթողարկվի: Հեռուստաալիքի պաշտոնական ներկայացուցիչ Լարիսա Կրիմովան անպատասխան է թողել գործակալության հարցը։
