Ռուսաստանը չի ներմուծի բնական գազ Եվրոպային անվճար, եթե Եվրամիությունը հրաժարվի վճարել ռուբլով։ Այս մասին PBS հեռուստաընկերությանը տված հարցազրույցում հայտնել է ՌԴ մամուլի քարտուղար Դմիտրի Պեսկովը։
Կրեմլի ներկայացուցիչը ընդգծել է, թե չգիտի ինչ տեղի կունենա, եթե ԵՄ-ն հրաժարվի գազի դիմաց վճարել ռուբլով։ Նրա խոսքով, երբ Եվրոպայում վերջնական որոշում կայացնեն, ռուսական իշխանությունները «ուսումնասիրեն, թե ինչ է կարելի անել»։
«Միանշանակ, մենք մտադիր չենք բարեգործությամբ զբաղվել այդ հարցում և անվճար գազ ուղարկել Արևմտյան Եվրոպա»,- ասել է Պեսկովը։ Նա նաև զգուշացրեց. «չկա վճարում, չկա գազ»։
Բացի այդ, Պեսկովը վստահեցրել է PBS-ին, որ Ռուսաստանը, Ուկրաինայում ցանկացած սցենարով, չի պատրաստվում այնտեղ միջուկային զենք կիրառել։ «Ոչ ոք չի մտածում միջուկային զենքի կիրառման մասին, և նույնիսկ այն օգտագործելու գաղափարի մասին»,- ընդգծել է նա։
ՆԱՏՕ-ի երկրներ Ռուսաստանի հնարավոր ներխուժման մասին հարցին Կրեմլի խոսնակը պատասխանել է, որ նման ներխուժումը Մոսկվայի պլանների մեջ չի մտնում։ Միաժամանակ նա պարզաբանեց. «Եթե սա փոխադարձության հիման վրա կատարված գործողություն չէ. Եթե մեզ չստիպեն դա անել, մենք չենք կարող այդ մասին մտածել։ Եվ մենք չենք ուզում մտածել այդ մասին»,- ասել է Պեսկովը։
