Նատալյա Ռոտենբերգն այլևս ՀՄՖ փոխնախագահը չէ։
Այս մասին տեղեկացրել է Հայաստանի մարմնամարզության Ֆեդերացիան` ֆեյսբուքյան իր էջում` չնշելով, թե որն է պատճառը։
«ՀՄՖ-ն դադարեցնում է նրա հետ համագործակցությունը»,–ասվում է հաղորդագրության մեջ։
Նատալյա Ռոտենբերգը «Ալյանս» կուսակցության բարձրագույն խորհրդի նախագահ Տիգրան Արզաքանցյանի կինն է։
Ֆեդերացիայի նախագահ Գագիկ Վանոյանը Թիվ 1-ի հարցմանն ի պատասխան պարզաբանեց, որ այն ուղին, որ որդեգրել ենք միասին` Հայաստանում մարմնամարզության զարգացման ուղղությամբ` տիկին Ռոտենբերգը շեղվել է այդ ուղուց։ Նա հավելեց, որ միայն կարող է ավելացնել այն, որ իր կարծիքով Հայաստանում մարմնամարզության վատ մարզիչ չկա։
Հիշեցնենք` ՀՀ կրթության, գիտության, մշակույթի և սպորտի նախարարությունը փետրվարի 4-ին էր հայտնել, որ Ռոտենբերգը նշանակվել է ՀՀ մարմնամարզության ֆեդերացիայի գեղարվեստական մարմնամարզության գծով փոխնախագահ։
