Եվրամիությունը, հետևելով G7-ին, մերժեց Ռուսաստանի պահանջը՝ բնական գազի դիմաց վճարել ռուբլով։ Այս մասին հայտնում է Интерфакс-ը՝ հղում անելով Եվրահանձնաժողովի պաշտոնական ներկայացուցիչ Էրիկ Մամերի հայտարարություններին։
Նրա խոսքով՝ ԵՄ-ն մասնակցել է G7-ի մի խումբ երկրների կողմից այս հարցի քննարկմանը, ուստի G7-ի եզրակացությունները վավեր են նաև ԵՄ-ի համար։
«Մեր դիրքորոշումը նույնն է, ինչ G7-ը»,- ասել է Մամերը՝ ի պատասխան այն հարցին, թե ինչպես կարձագանքի Եվրամիությունը Ռուսաստանի նախագահ Վլադիմիր Պուտինի համապատասխան հրամանին։
«Ինչ վերաբերում է մեզ, ապա մենք ասացինք, որ առաքումները պետք է կատարվեն դոլարով կամ եվրոյով»,- հավելեց նա։
Ավելի վաղ, մեկնաբանելով ԵՄ-ի կողմից գազի մատակարարումների համար ռուբլով վճարելու հնարավոր մերժումը, Կրեմլն ասել էր. Ռուսաստանի Դաշնության նախագահի մամուլի քարտուղար Դմիտրի Պեսկովի խոսքով՝ այդ հարցում երկիրը «չի պատրաստվում բարեգործությամբ զբաղվել»։
