«Հյուսիս» գումարտակի հրամանատարի նախկին տեղակալ Ռուսլան Գերեմեևը վիրավորվել է Մարիուպոլում մարտի ժամանակ, իր տելեգրամ ալիքում հայտնել է Չեչնիայի ղեկավար Ռամզան Կադիրովը։
«Ցավոք, քաղաքի համար հետագա մարտերի ընթացքում Ռուսլան Գերեմեևը վիրավորվել է և հայտնվել հիվանդանոցում»,- ասել է Կադիրովը։
Մարտի 29-ի կեսօրին համացանցում հայտնվեց տեսանյութ, որտեղ երևում էր, թե ինչպես է Կադիրովը հիվանդանոցում այցելում Գերեմեևին, սակայն Չեչնիայի անվտանգության աշխատակցի վնասվածքի մասին տեղեկությունը պաշտոնապես չի հաստատվել։ Այժմ Կադիրովը հրապարակել է նույն հիվանդանոցում արված ձայնագրությունը։
«Մարիուպոլ գնալու ճանապարհին այցելեցի իմ սիրելի ԵՂԲՈՐԸ և անձամբ համոզվեցի, որ նրա կյանքին ոչինչ չի սպառնում։ Նա հաջողությամբ ապաքինվում է և պատրաստ է մոտ ապագայում վերադառնալ»,- գրել է Չեչնիայի ղեկավարը տելեգրամում։
Ռուսլան Գերեմեևը, ինչպես ավելի վաղ ասել էր Կադիրովը, ղեկավարում է չեչենական ստորաբաժանումը, որը մասնակցում է Մարիուպոլի պաշարմանը։
Ռուսլան Գերեմեևը քաղաքական գործիչ Բորիս Նեմցովի սպանության քրեական գործով մեղադրյալ է։ Հետաքննության ընթացքում Նեմցովների ընտանիքի փաստաբան Վադիմ Պրոխորովը ենթադրել է, որ սպանության կազմակերպիչը կարող է լինել Ռուսլան Գերեմեևը։ Գերեմեևը հիշատակվել է գործի նյութերում, սակայն երբեք չի հարցաքննվել։ Հետաքննությունը հանցագործության պատվիրատու է համարում Գերեմեևի վարորդ Ռուսլան Մուխուդինովին։ Ռամզան Կադիրովը հերքել է Գերեմեևի առնչությունը Նեմցովի սպանությանը։
Աղբյուրը՝ Meduza:
