«Փաստինֆո»-ն այսօր հայտնում է, որ Խաչատուր Սուքիասյանի մասին իր պնդումներն իրական չեն եղել։ «Խաչատուր Սուքիասյանը հանդիպման է կանչել լրագրող Նաիրի Հոխիկյանին ու պահանջել չքննադատել Նիկոլ Փաշինյանին» վերտառությամբ հոդվածի վերաբերյալ նույն լրատվականն այսօր հերքում է տարածել։
«Փաստինֆո»-ն նշում է, որ լրատվականը հանրային անձին զրպարտելու, պատիվը, արժանապատվությունը կամ գործարար համբավը արատավորելու կանխակալ մտադրություն չի ունեցել և նման գործելաոճն իրեն ընդհանրապես հատուկ չէ։
Մեջբերում ենք լրատվական կայքի այսօր հրապարակած հերքման տեքստից մի հատված
Ի կատարումն «Զանգվածային լրատվության մասին» ՀՀ օրենքի 8-րդ հոդվածի, հաշվի առնելով նաև Խաչատուր Սուքիասյանի գրասենյակի պնդումները, հոդվածում տեղ գտած․
1․ (…) ««Սիլ կոնցեռնի» նախագահ Խաչատուր Սուքիասյանը շարունակում է ծառայություններ մատուցել իշխանություններին>> տեղեկատվությունը հերքում ենք, քանի որ այն չի համապատասխանում իրականությանը։
2․ «(…) Արտահերթ խորհրդարանական ընտրություններից առաջ Սուքիասյանը «որս» է սկել հատկապես մեդիադաշտում հայտնի դեմքերի նկատմամբ (…)» տեղեկատվությունը հերքում ենք, քանի որ այն չի համապատասխանում իրականությանը։
3․ «(…) Սուքիասյանն հանդիպման է կանչել սոցցանցերով իշխանություններին բավական ակտիվ քննադատող լրագրող, թուրքագետ Նաիրի Հոխիկյանին։ Այն կայացել է փակ ֆորմատով։ Սուքիասյանը առաջարկ-պահանջ է ներկայացրել Հոխիկյանին՝ դադարեցնել իշխանությունների և հատկապես Նիկոլ Փաշինյանի հասցեին սուր քննադատություններով հանդես գալը (…)» տեղեկատվությունը հերքում ենք, քանի որ այն չի համապատասխանում իրականությանը։
4․ «(…) իշխանություններն ու իշխանամերձ օլիգարխները, նրանց թվում «Գռզո» մականունով հայտնի Խաչատուր Սուքիասյանը, լծվել են սոցցանցերում Փաշինյանի ընդդիմախոսներին լռեցնելու գործին։ Մասնավորապես՝ կատարվում է ակտիվ մոնիտորինգ, որի արդյունքում անհատականացվում են ակտիվ քննադատներն ու փորձում արվում «վերբովկա» անել նրանց։ Մեդիադաշտում «աջակիցներ» գտնելու գործիքակազմը տարբեր է՝ մի դեպքում բարեկամական «խնդրանքը», մյուս դեպքում՝ նյութական աջակցությունն ու խոստումները, ինչպես նաեւ շանտաժն ու սպառնալիքները (…)» տեղեկատվությունը հերքում ենք, քանի որ այն չի համապատասխանում իրականությանը։
