ՌԴ Պետդումայի նախագահ Վյաչեսլավ Վոլոդինն առաջարկել է պարարտանյութերը, հացահատիկը, յուղը, նավթը, ածուխը, մետաղները և փայտանյութը ներառել ռուբլով արտահանվող ռուսական ապրանքների ցանկում։
Այսպես է նա իր տելեգրամ ալիքում մեկնաբանել G7 երկրների և Եվրամիության կողմից ռուսական գազի համար ռուբլով վճարելուց հրաժարվելը։
Եվրոպացի քաղաքական գործիչները պետք է «դադարեն արդարացումներ փնտրել». Եվրոպական երկրները «ունեն բոլոր շուկայական հնարավորությունները ռուբլով վճարելու համար», կարծում է Վոլոդինը։
«Առաջ պետք էր մտածել. Նրանք իրենք են ամեն ինչ արել դոլարի և եվրոյի նկատմամբ վստահությունը խաթարելու համար, որպեսզի Ռուսաստանը հրաժարվի փոխադարձ հաշվարկներ կատարել այս արժույթներով… Եթե ուզում եք գազ ստանալ, փնտրեք ռուբլի… Պատժամիջոցների քաղաքականությամբ՝ փորձելով մեկուսացնել մեզ, դուք մեկուսացրեցիք ձեզ։ Դուք պետք է պատասխանատվություն կրեք ձեր կայացրած որոշումների համար»:
Մարտի 29-ին նման հայտարարություններ էր արել ՌԴ նախագահի մամուլի քարտուղար Դմիտրի Պեսկովը։ Մեկնաբանելով ԵՄ-ի հնարավոր հրաժարումը ռուսական գազի համար ռուբլով վճարելուց՝ նա ասել է «Չկա վճարում՝ չկա գազ»։
Աղբյուրը՝ Meduza-ի։
