Միացյալ Նահանգների նախագահ Ջո Բայդենը Ուկրաինայի նախագահ Վլադիմիր Զելենսկիի հետ հեռախոսազրույցում տեղեկացել է ռուս-ուկրաինական վերջին բանակցությունների ընթացքի մասին: Այս մասին հայտնում է Սպիտակ տան մամուլի ծառայությունը:
Նշվում է, որ Զելենսկին Բայդենին է ներկայացրել վերջին տեղեկատվությունը ռուս-ուկրաինական բանակցությունների կարգավիճակի մասին:
«Նախագահ Բայդենը նախագահ Զելենսկիին տեղեկացրել է, որ ԱՄՆ-ն մտադիր է ուկրաինական կառավարությանը հատկացնել 500 մլն ԱՄՆ դոլարի ուղիղ բյուջետային աջակցություն»,- ասվում է հայտարարության մեջ:
Կողմերը քննարկել են պաշտպանական մատակարարումները դեպի Ուկրաինա և դրանք կարևորությունը ընթացող ռազմական գործողությունների ընթացքի համար:
