Գերմանիայի արտաքին գործերի նախարար Աննալենա Բերբոկը մարտի 30-ին հայտարարել է, թե իր երկիրը պատրաստ է պատերազմից հետո Ուկրաինային տրամադրել անվտանգության երաշխիքներ: Այդ մասին նախարարն ասել է ARD հեռուստակայանի թղթակցին:
«Եթե պետք են երաշխիքներ, ապա Գերմանիան դրանք կտրամադրի: Մենք 100 տոկոսով համերաշխ ենք Ուկրաինայի հետ»,- ասել է Բերբոկը:
Նա նշել է, որ դա վերաբերում է նաև բանակցություններին և ավելի ուշ հնարավոր խաղաղ ժամանակաշրջանին:
Միաժամանակ, Բերբոկն ասել է, թե հաշվի առնելով ներկայիս իրադարձությունները՝ կարելի է փաստել, որ Ուկրաինայի և Ռուսաստանի բանակցություններն այն փուլում չեն, որ հնարավոր լիներ խոսել առաջընթացի մասին:
