Աբխազիան Ռուսաստանի կազմի մեջ մտնելու մտադրություն չունի, բացի այդ, երկրի Սահմանադրությունը թույլ չի տալիս հանրապետությանը կորցնել իր անկախությունը։ Այս մասին հայտարարել է Աբխազիայի խորհրդարանի նախագահ Վալերի Կվարչիան։
Interfax-ի փոխանցմամբ, նա նշել է, որ Հարավային Օսեթիայի որոշումը՝ երկրի՝ Ռուսաստանի Դաշնության կազմ մտնելու հարցով հանրաքվեի հնարավոր անցկացման վերաբերյալ, հանրապետության ինքնիշխան իրավունքն է։
«Օսեթիան Ռուսաստանի ռազմավարական գործընկեր է և Աբխազիային մոտ պետություն, բայց մենք մտադիր չենք միանալ Ռուսաստանի Դաշնությանը»,-նշե է Կվարչիան՝ հավելելով, որ Աբխազիայի Սահմանադրությունը բացարձակապես հստակորեն հռչակում է երկիրը անկախ պետություն:
Հիշեցնենք, Հարավային Օսեթիայի նախագահ Անատոլի Բիբիլովը երեկ հայտարարել է, որ հանրապետությունը մտադիր է մոտ ապագայում իրավական քայլեր ձեռնարկել Ռուսաստանին միանալու գործընթաց սկսելու համար։
