Հայաստանյան մի շարք լրատվամիջոցներ սխալ են ներկայացրել Թուրքիայի արտգործնախարար Մևլյութ Չավուշօղլուի խոսքը՝ Հայաստանի, Թուրքիայի և Ադրբեջանի ԱԳ նախարարների եռակողմ հանդիպում կազմակերպելու մասին։
ՍիվիլՆեթի փաստերի ստուգման թիմը՝ CivilNetCheck-ը, ուսումնասիրել է Թուրքիայի արտգործնախարարի խոսքը (51-րդ րոպեից) և պարզել, որ դրանում որևէ խոսք չկա նոր հանդիպման մասին։
Մինչդեռ Մևլութ Չավուշօղլուն նման հայտարարություն չի արել։
Չավուշօղլուն Թուրքիայի, Ադրբեջանի ու Հայաստանի արտգործնախարարների մասնակցությամբ հանդիպում կազմակերպելու մասին խոսել է A Haber հեռուստաալիքի ուղիղ եթերում։ Չավուշօղլուն հայտնել է, որ Անթալիայի դիվանագիտական ֆորումի (2022, մարտի 11-13) ժամանակ, որին մասնակցում էր նաև ԱԳ նախարար Արարատ Միրզոյանը, ցանկություն ուներ եռակողմ հանդիպում կազմակերպել, սակայն չի ստացվել։ Դիվանագետը չի խոսել նոր հանդիպման մասին։
«Հայասատնի ԱԳՆ ղեկավարը Անթալիա էր ժամանել: Ես ցանկանում էի, որ եռակողմ հանդիպում կայանար (Հայաստանի, Ադրբեջանի և Թուրքիայի ԱԳ նախարարների միջև – խմբ․), սակայն Անթալիայում դա հնարավոր չեղավ»,- ասել է Չավուշօղլուն։
Չավուշօղլուն չի հայտարարել առաջարկի բաց լինելու մասին։ Նա շարունակել է, որ գործընթացը նոր է սկսվում, շուտով Բրյուսելում հանդիպելու են Ալիևն ու Փաշինյանը:
