ԱՄՆ-ն և նրա դաշնակիցները դիտարկում են Ուկրաինայի անվտանգությունն ապահովելու այլընտրանքային երաշխիքներ, բայց չեն կարող Կիևին տալ այն, ինչ նա ցանկանում է։
Հնարավոր է Ուկրաինան հրաժարվի ՆԱՏՕ-ին անդամակցելուց՝ որպես զիջում Ռուսաստանին պատերազմն ավարտելու համար:
Բանակցություններն այս թեմայի շուրջ դեռ վաղ փուլում են: Բայց հավանականությունը քիչ է, որ ԱՄՆ-ն և նրա դաշնակիցներն ի վերջո Ուկրաինային կառաջարկեն իրավական պաշտպանությունը, որն այն պահանջում է:
Այս շաբաթ Ստամբուլում կայացած Ռուսաստանի հետ խաղաղ բանակցությունների ժամանակ ուկրաինացի բանակիցներն ասել են, որ հնարավոր է Ուկրաինան չեզոքություն պահպանի ՆԱՏՕ-ի անդամ դառնալու հարցում, բայց միևնույն ժամանակ ցանկանում է, որ արևմուտքը՝ ներառյալ ԱՄՆ-ն և Մեծ Բրիտանիան պայմանագրի միջոցով երաշխիք տան, որ սատար կկանգնեն Ուկրաինային Ռուսաստանի հետագա հնարավոր հարձակման դեպքում:
Բանակցությունների ժամանակ ՌԴ-ի պատիվը պահելու համար՝ ուկրաինացիներն առաջարկել են, որ անվտանգության որևէ երաշխիք չկիրառվի արևելյան Ուկրաինայի Դոնբասի շրջանի անջատողական տարածքների վրա:
Սպիտակ տան հաղորդակցության տնօրեն Քեյթ Բեդինգֆիլդը նշել է, որ նրանք մշտական քննարկման մեջ են Ուկրաինայի հետ՝ նրանց ինքնիշխանությունը և անվտանգությունն ապահովող ուղիների մասին: Սակայն անվտանգության կոնկրետ երաշխիքներ տրվել չեն կարող:
Աղբյուրը՝ CNN News
Թարգմանությունը՝ Մանե Հովհաննիսյանի։
