ԱԺ նախագահ Ալեն Սիմոնյանը դատի է տվել ԱԺ «Հայաստան» խմբակցության պատգամավոր Արեգնազ Մանուկյանին՝ պատասխանողին իր ունեցած ելույթի՝ զրպարտություն համարվող փաստացի տվյալները հրապարակայնորեն հերքելը պարտավորեցնելու, փոխհատուցում բռնագանձելու պահանջով։
Հայցադիմումը, ինչպես հայտնում է datalex.am-ը, ներկայացվել է 23.12.2021-ին, վարույթ է ընդունվել 07.01.2022-ին (դատավոր՝ Տ. Ստեփանյան)։ Այս գործով առաջիկա դատական նիստը պետք է տեղի ունենար մայիսի 11-ին։
Սակայն սույն կայքը նաև հայտնում է, որ դատավորի՝ վերապատրաստման դասընթացներին մասնակցելու պատճառով նախապես՝ 2022 թվականի մայիսի 11-ին , ժամը 14:10-ին նշանակված դատական նիստը տեղափոխվել և նշանակվել է 2022 թվականի մայիսի 20-ին, ժամը 15:00-ին։
