ԿԳՄՍ նախարարի տեղակալ Ժաննա Անդրեասյանն աշխատանքային այցով Տավուշի մարզում էր:

Նախարարության տեղեկատվության և հասարակայնության հետ կապերի վարչությունից հայտնում են, որ փոխնախարարն այցելել է Նոյեմբերյանի և Բերդի տարածաշրջանների դպրոցներ, ծանոթացել հանրակրթական պետական չափորոշիչի կիրառության ընթացքին, շրջել դասարաններով, ծանոթացել ուսումնական գործընթացին։

Մարզային այցն ամփոփվել է Տավուշի մարզպետարանում դպրոցների տնօրենների հետ հանդիպմամբ։ Հանդիպման ընթացքում քննարկվել են հավաքագրված խնդիրները եւ դրանց լուծման տարբերակները: