ՄԱԿ-ն անհրաժեշտ է համարում հետաքննել ուկրաինացի զինվորականների կողմից գերեվարված ռուս զինծառայողների սպանության տվյալները։ Այս մասին ՏԱՍՍ-ին հայտնել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը։
«Մարդու իրավունքների հնարավոր խախտումների մասին բոլոր հաղորդումները պետք է հետաքննվեն», – ասել է նա՝ մեկնաբանելով ռուս զինծառայողների ենթադրյալ սպանության տեսանյութի հայտնվելը։
Քննարկվող տեսանյութը տարածվել է այս շաբաթվա սկզբին: Կադրերում երևում է, թե ինչպես են ուկրաինացի զինվորականները մի քանի անգամ կրակել ճանապարհին ընկած հակառակորդի վրա, ով «դեռ ողջ է»։ Նրա կողքին եւս մի քանի զոհված զինվորների դիեր են։
The New York Times-ի նախօրեին հաստատել է ձայնագրության իսկությունը։ Պարբերականի տվյալներով՝ տեսանյութն արվել է մարտի 30-ին՝ Կիևից ռուսական զորքերի դուրսբերման ժամանակ։ РБК-ի փոխանցմամբ՝ «Վրացական լեգեոնի» հրամանատար Ուշանգի Մամուլաշվիլին իր հարցազրույցներից մեկում ասել է, որ կադրերում պատկերված են իր մարտիկները, այլ ոչ թե ուկրաինացի զինվորները։
Քննչական կոմիտեն իր նախագահ Ալեքսանդր Բաստրիկինի անունից սկսել է ստուգել։ «Մահացածներից մեկի ձեռքերը թիկունքից կապած են, ինչը վկայում է այն մասին, որ զինծառայողը մահացել է ոչ թե մարտական առաջադրանք կատարելիս, այլ արդեն գերության մեջ», – հայտնում են նախարարությունից։
Աղբյուրը՝ esquire.ru:
