Կառավարության այսօրվա հերթական նիստում հաստատվեց «Խաչատուր Աբովյանի անվան հայկական պետական մանկավարժական համալսարան» հիմնադրամի ռեկտորի ընտրության արդյունքները:
Նշենք, որ այս պաշտոնում ընտրվել է հոգեբանական գիտությունների դոկտոր, պրոֆեսոր Սրբուհի Ռաֆիկի Գևորգյանը՝ 5 տարի ժամկետով:
Գևորգյանը դիմելով Կառավարությանը խորին շնորհակալություն հայտնեց բարձր վստահության համար.«Հավաստիացնում եմ, որ Խաչատուր Աբովյանի անվան հայկական պետական մանկավարժական համալսարանը քաջ գիտակցում է իր պատասխանատվությունների տիրույթը՝ ժամանակակից մարտահրավերների ներքո և պատրաստակամ է որակական գործընթացները ր շարժընթացները ապահովելու առումով»:
ՀՀ վարչապետ Նիկոլ Փաշինյանն էլ իր հերթին շնորհակալություն հայտնեց և նկատեց. «Սիմվոլիկա կա, որ 100 – ամյա ԲՈՒՀ-ն առաջին անգամ կին ռեկտոր է ընտրել: Կարծում եմ՝ այդ սիմվոլիկան պատահական չէ , որովհետև կրթության ոլորտում մենք լրջագույն ռեֆորմներ ենք իրականացնում և դրան համար անկյունաքարային նշանակություն ունի կադրերի պատրաստումը»:
