Բրիտանիայի արտգործնախարար Լիզ Թրասը այսօր հայտնել է, որ Միացյալ Թագավորությունը հրաժարվում է ռուսական էներգակիրների ներմուծումից։
«Ուկրաինայում Պուտինի սարսափելի ագրեսիայի պայմաններում Մեծ յոթնյակն ու ՆԱՏՕ-ն կավելացնեն ջանքերը պատժամիջոցների ու զենքի հարցում։
Այժմ Մեծ Բրիտանիան արգելում է ռուսական էներգակիրների բոլոր ներկրումները, մենք պատժամիջոցներ ենք սահմանում նաև ավելի շատ բանկերի նկատմամբ և ավելի շատ զենք ենք մատակարարում Ուկրաինային»,- Բրյուսելում լրագրողներին ասել է Բրիտանիայի արտգործնախարարը։
