G7-ի երկրների ղեկավարները որոշել են արգելել նոր ներդրումները Ռուսաստանի տնտեսության «առանցքային ոլորտներում»։ Ինչպես ընդգծվում է G7-ի հայտարարության մեջ, էներգետիկ ոլորտը նույնպես կհայտնվի այս արգելքի տակ։
«Մեծ յոթնյակի» առաջնորդները նաև համաձայնել են, որ կշարունակեն «ռուսական բանկերի անջատումը համաշխարհային ֆինանսական համակարգից»: G7-ի հայտարարության մեջ նշվում է նաև ռուսական ռազմարդյունաբերական համալիրի դեմ նոր պատժամիջոցների և ռուսական էլիտայի անդամների և նրանց ընտանիքների նկատմամբ անձնական սահմանափակումների մասին։
«Մեծ յոթնյակի» ղեկավարները նաև ասացին, որ կարագացնեն ռուսական էներգիայից կախվածությունը նվազեցնելու իրենց ծրագիրը, ներառյալ ռուսական ածխի ամբողջությամբ դուրսբերումը:
Ապրիլի 6-ին ԱՄՆ-ը և Մեծ Բրիտանիան հայտարարեցին Ռուսաստանի տնտեսությունում նոր ներդրումների արգելքի մասին։ Սպասվում է, որ մոտ ապագայում նման քայլի մասին կարող է հայտարարել Եվրամիությունը։
