ՄԱԿ-ի Գլխավոր ասամբլեան քվեարկել է Մարդու իրավունքների խորհրդին Ռուսաստանի անդամակցությունը կասեցնելու օգտին։ Նախաձեռնությանը կողմ է քվեարկել 93 երկիր, դեմ՝ 24, ձեռնպահ՝ 58։
Բանաձեւին չեն աջակցել Ալժիրը, Բելառուսը, Բոլիվիան, Բուրունդին, Վիետնամը, Գաբոնը, Զիմբաբվեն, Իրանը, Ղազախստանը, Ղրղզստանը, Չինաստանը, Հյուսիսային Կորեան, Կոնգոն, Կուբան, Լաոսը, Մալին, Նիկարագուան, Ռուսաստանը, Սիրիան, Տաջիկստանը, Ուզբեկստանը, Կենտրոնական Աֆրիկյան Հանրապետությունը, Էրիթրեան, Եթովպիան։ Ձեռնպահ քվեարկողների թվում են Բրազիլիան, Եգիպտոսը, Հնդկաստանը, Իրաքը, Քաթարը և այլն։
Բանաձեւի նախագիծը պատրաստել են մի քանի երկրներ, այդ թվում՝ ԱՄՆ-ը, Ուկրաինան եւ Լատվիան։ Կանոնադրության համաձայն՝ Գլխավոր ասամբլեան կարող է ՄԻԽ-ի կազմից մի պետություն բացառել ձայների երկու երրորդով։ ՄԱԿ-ում Ռուսաստանի մշտական ներկայացուցիչ Վասիլի Նեբենզյան աննախադեպ է անվանել Ռուսաստանի Դաշնությանը ՄԻԽ-ից հեռացնելու փորձերը։
Ռուսաստանին ՄԻԽ-ից բացառելու առաջարկը հնչել է Կիևի մարզի Բուչա քաղաքում ստեղծված իրավիճակի ֆոնին։ Մոսկվան հերքում է Ուկրաինայի իշխանությունների կողմից ռազմական հանցագործությունների մեղադրանքները։
Աղբյուրը՝ kommersant.ru:
