ԱՄՆ գանձապետարանը ընդլայնել է պատժամիջոցները ադամանդի արդյունահանող ռուսական «Ալրոսա» ընկերության դեմ՝ հանձնարարելով արգելափակել նրա ակտիվները։ Այս մասին հայտնում է գերատեսչության կայքը:
Բացի«Ալրոսա»-ից, արգելափակող պատժամիջոցների տակ են հայտնվել «Միացյալ նավաշինական կորպորացիա»-ն և 28 հարակից իրավաբանական անձինք: Դրանց թվում են «Ալմազ» և «Ռուբին» «Ծովակալության նավաշինական» գործարանները, «Սևմաշ» գործարանը:
Բացի այդ, պատժամիջոցներ են սահմանվել «Միացյալ նավաշինական կորպորացիա»-ի տնօրենների խորհրդի ութ անդամների նկատմամբ։
«Ալրոսա»-ն ադամանդի արդյունահանման աշխարհի խոշորագույն ընկերությունն է, որին բաժին է ընկնում ադամանդի համաշխարհային արտադրության 28%-ը: 2021 թվականին «Ալրոսա»-ի եկամուտը գերազանցել է 4,2 միլիարդ դոլարը։ Ընկերության բաժնետոմսերի ավելի քան 60%-ը պատկանում է պետությանը։
Աղբյուրը՝ Meduza-ի:
Թարգմանեց՝ Աստղ Խաչատրյանը։
