Ապրիլի 7-ից Սբերբանկը դադարեցրել է արտարժույթով փոխանցումներն արտերկիր, հայտնում է РБК-ն՝ վկայակոչելով կազմակերպության ներկայացուցչին։
Սահմանափակումը վերաբերում է ինչպես բանկային մասնաճյուղերում, այնպես էլ բջջային հավելվածում կատարված փոխանցումներին։ Դեռևս հասանելի են ռուբլով արտասահման փոխանցումները։
«Ապրիլի 6-ից կատարված փոխանցումներն ամբողջությամբ կվերադարձվեն հաճախորդի հաշվեհամարին՝ միջնորդավճարի հետ միասին»,- իր զրուցակցին մեջբերում է РБК-ն։
Որոշումն ընդունվել է արտասահմանյան բանկերում թղթակցային հաշիվներով արտարժույթի գործարքների նկատմամբ պատժամիջոցների սահմանափակումների պատճառով, գրում է թերթը։
Ապրիլի 6-ին ԱՄՆ-ը արգելափակող պատժամիջոցներ սահմանեց Sberbank-ի և Alfa-Bank-ի դեմ՝ ենթադրելով ԱՄՆ-ում նրանց ակտիվների արգելափակում և նրանց հետ գործարքների արգելք։
Աղբյուրը՝ Meduza-ի:
