Կառավարության սուբվենցիոն ծրագրով, Բերդի համայնքապետարանի համաֆինանսավորմամբ՝ նախատեսված է իրականացնել Բերդ և Արծվաբերդ բնակավայրերի ներհամայնքային ճանապարհների հիմնովին վերանորոգման և սալիկապատման աշխատանքներ: Ընթացքի մեջ են Բերդ քաղաքի Գարեգին Նժդեհ, Հ. Ադամյան և Ն. Ստեփանյան փողոցների վերանորոգման աշխատանքները: Այս մասին հայտնում է Բերդի համայնքապետարանը։
Ծրագրով նախատեսված է հիմնովին վերանորոգել և սալիկապատել Բերդ քաղաքի հետևյալ փողոցները
Հ. Ադամյան փողոց. երկարությունը՝ 250 մ, լայնությունը՝ 6մ: Ճանապարհը վերանորոգվելու է ամբողջությամբ:
Գարեգին Նժդեհ փողոց. նախատեսվում է վերանորոգել 760 մ երկարությամբ ճանապարհահատված, որը կունենա 6 մ լայնություն:
Ն. Ստեփանյան փողոց. նախատեսվում է վերանորոգել 250 մ երկարությամբ ճանապարհահատված, որը կունենա 6 մ լայնություն:
Ինչպես նաև.Ծրագրի շրջանակում կվերանորոգվի Բերդ քաղաքի Զորավար Անդրանիկ-Խորենացի խաչմերուկը:
Կիրականացվեն Բերդ քաղաքի Խորենացի 27 բ բազմաբնակարան շենքի բակային տարածքի բարեկարգման աշխատանքներ:Բերդ քաղաքում կկառուցվի միջինը 1.5 մ բարձրությամբ, 0.5 մ լայնությամբ, 80 մ երկարությամբ հենապատ: Կիրականացվեն Բերդ քաղաքի Մաշտոցի փողոցի 450 մ երկարությամբ ջրահեռացման համակարգի հիմնովին վերանորոգման աշխատանքներ:
Վերանորոգվող բոլոր ճանապարհներին կից կկառուցվեն ջրահեռացման համակարգեր:Ծրագրի շրջանակում հիմնովին կվերանորոգվի և կսալիկապատվի Արծվաբերդ բնակավայրի 13 փ-ի 200մ երկարությամբ և 6 մ լայնությամբ ճանապարհահատված, որը հարում է անմիջապես դպրոցին:
Ծրագրի արժեքը 394. 357. 862 ՀՀ դրամ է, որից Կառավարության ներդրումը կազմում է 276, 050, 503 ՀՀ դրամ (70%), Բերդի համայնքապետարանի ներդրումը՝ 118. 307. 359 ՀՀ դրամ(30%):
Ներկայացվող ծրագրերն իրականացվում են Բերդ համայնքի ղեկավար Հարություն Մանուչարյանի նախաձեռնությամբ, համայնքի ղեկավարի և Բերդի համայնքապետարանի աշխատակազմի ջանքերի շնորհիվ, տարբեր համագործակցությունների արդյունքում:
