Պետդումայի տեղեկատվական քաղաքականության, տեղեկատվական տեխնոլոգիաների և հաղորդակցության հանձնաժողովի փոխնախագահ Օլեգ Մատվեյչևն ասել է, որ իշխանությունները չպետք է նպատակ ունենան արգելել YouTube-ը, բայց օգտատերերը պետք է պատրաստ լինեն արգելափակման՝ վիդեոհոսթինգի նոր կանոնների պատճառով:
«Մենք նպատակ չունենք արգելել YouTube-ը»,- ասել է Մատվեյչևը «Ռուսաստանի դեմ տեղեկատվական պատերազմ. տեխնոլոգիա, արձագանք, արդյունք» կլոր սեղանի ժամանակ։
Նա նշել է, որ հարթակի օգտատերերը պետք է պատրաստ լինեն արգելափակման՝ պայմանավորված հարթակի նոր կանոններով, որոնց համաձայն՝ Ուկրաինայում Ռուսաստանի հատուկ ռազմական գործողության ցանկացած աջակցություն արգելափակման պատճառ կդառնա։
Հինգշաբթի «Ռոսկոմնադզորն» արգելել է Google-ի գովազդի և ընկերության տեղեկատվական ռեսուրսների տարածումը ռուսական օրենսդրության բազմաթիվ խախտումների համար։ Միջոցառումները վերաբերում են Google Search-ին, Google Play-ին, YouTube-ին, YouTube Music-ին, Google Chat-ին և Gmail-ին և ուժի մեջ կմնան այնքան ժամանակ, քանի դեռ խախտումները չեն շտկվել։
