Մոսկվան, ի պատասխան Լեհաստանից ռուս դիվանագետների արտաքսմանը, պերսոնա նոն գրատա է հայտարարել 45 լեհ դիվանագետների, նրանք պետք է լքեն Ռուսաստանը մինչև ապրիլի 13-ը։ Այս մասին ասվում է ՌԴ արտաքին գործերի նախարարության հաղորդագրության մեջ։
«Որպես փոխադարձության սկզբունքով ռուս դիվանագետներին արտաքսելու Լեհաստանի ոչ բարեկամական գործողություններին պատասխան. հայտարարվել են Լեհաստանի Հանրապետության դեսպանության և Իրկուտսկում, Կալինինգրադում և Սանկտ Պետերբուրգում Լեհաստանի Հանրապետության գլխավոր հյուպատոսությունների 45 աշխատակիցներ որպես persona non grata, նրանք պետք է լքեն Ռուսաստանի Դաշնության տարածքը մինչև ապրիլի 13-ի օրվա ավարտը։ Համապատասխան գրությունը փոխանցվել է Ռուսաստանում Լեհաստանի դեսպանին»,- ասվում է հաղորդագրության մեջ։
Արտաքին գործերի նախարարությունը նշել է, որ Մոսկվայում Լեհաստանի դեսպան Քշիշտոֆ Կրայևսկին, ով հրավիրվել էր ուրբաթ օրը Սմոլենսկայա հրապարակ, խիստ բողոք է հայտնել մարտի 23-ին հանրապետությունում Ռուսաստանի արտաքին ներկայացուցչությունների 45 աշխատակիցների՝ որպես պերսոնա նոն գրատա անհիմն հայտարվելու կապակցությամբ։
«Դեսպանին ասվել է, որ նման քայլը դիտարկում ենք որպես երկկողմ հարաբերությունները վերջնականապես քանդելու Վարշավայի գիտակցված ցանկության հաստատում: Դրա պատասխանատվությունն ամբողջությամբ կրում է լեհական կողմը», – ասել է նախարարությունը:
Մարտի վերջին Լեհաստանում Ռուսաստանի դեսպան Սերգեյ Անդրեևը նոտա է ստացել երկրի ԱԳՆ-ից 45 ռուս դիվանագետների արտաքսման մասին՝ ըստ Վարշավայի՝ հետախուզական գործունեության մեղադրանքի։
Երկրների միջև դիվանագիտական հարաբերությունները պահպանվում են. Վարշավայում Ռուսաստանի Դաշնության դեսպանությունը, ինչպես նաև հյուպատոսական վարչությունը, գլխավոր հյուպատոսությունները Կրակովում, Գդանսկում և Պոզնանում շարունակում են աշխատել։
