YouTube վիդեոհոսթինգն արգելափակել է Պետդումայի աշխատանքը լուսաբանող Դումայի հեռուստաալիքի հաշիվը:
«Ձեր հաշիվը ընդմիշտ անջատվել է մեր արտահանման սահմանափակումների և պատժամիջոցների քաղաքականության համաձայն», – ասվում է YouTube-ի հայտարարության մեջ, որը հրապարակել են «Դումա Թիվի»-ի հեղինակները:
«Դումա» հեռուստաընկերությունը իրեն ներկայացնում է որպես խորհրդարանական հեռուստատեսություն։ YouTube-ի նրա ալիքում հրապարակվել են պատգամավորների մեկնաբանությունները, Պետդումայի նիստերի հեռարձակումները, հեղինակային հաղորդումները։ Նշվում է, որ ալիքն ունի 145,000 բաժանորդ և ընդհանուր առմամբ ավելի քան 100 միլիոն տեսանյութ դիտում։
ՌԴ ԱԳՆ պաշտոնական ներկայացուցիչ Մարիա Զախարովան, իր Telegram ալիքում մեկնաբանելով YouTube-ի գործողությունները, կոչ է արել նախապատրաստվել Ռուսաստանում տեսահոսթինգի արգելափակմանը։ «Յութուբը, ըստ երեւույթին, ստորագրել է իր վճիռը։ Պահպանեք բովանդակությունը, տեղափոխեք ռուսական հարթակներ, և շատ արագ», – ասել է Զախարովան։
Ռոսկոմնադզորը պահանջել է վերականգնել մուտքը Պետդումայի ալիք, ասել է, որ Դումայի հեռուստատեսության արգելափակումը «կանխում է տեղեկատվության տարածումը և դրան ազատ մուտքը»։
Աղբյուրը՝ Meduza-ի։
Թարգմանեց՝ Աստղ Խաչատրյանը։
