Կիև այցելած Ավստրիայի կանցլեր Կարլ Նեհամերին այսօր ընդունել է Ուկրաինայի նախագահ Վլադիմիր Զելենսկին:
Հանդիպումից հետո կայացած համատեղ ասուլիսում կանցլերն ասել է, որ Եվրոպական միությունը մտադիր է շարունակել պատժամիջոցների սահմանումը և այդպես պարտադրել Ռուսաստանի նախագահ Վլադիմիր Պուտինին դադարեցնել պատերազմը:
«Մենք կշարունակենք էլ ավելի խիստ սանկցիաներ ընդունել այնքան, մինչև պատերազմն ավարտվի: Հիմա մենք ընդունել ենք պատժամիջոցների հերթական փաթեթը, դա վերջինը չի լինի: Դա արվում է պատերազմն ավարտելու համար»,- ասել է Կարլ Նեհամերը:
Ավստրիայի կանցլերը Կիևում բանակցել է Զելենսկու հետ: Նեհամերը նաև հանդիպելու է Ուկրաինայի վարչապետ Դենիս Շմիգալի և Կիևի քաղաքապետ Վիտալի Կլինչոյի հետ:
Բացի այդ, Նեհամերը պետք է այցելի Կիևից ոչ հեռու գտնվող Բուչա ավան, որտեղ, ըստ ուկրաինական կողմի, ռուս զինծառայողները սպանել են մի խումբ խաղաղ բնակիչների, ինչը պատերազմական հանցագործություն է համարվում:
Ռուսները հերքում են այդ մեղադրանքը:
Աղբյուրը՝ Azatutyun.am:
