Ռուսաստանում Lush խանութների ցանցի գլխավոր սեփականատեր Դմիտրի Ազարովը Forbes-ին հայտնել է, որ 48 խանութներից 17-ը կփակվեն, իսկ 500 աշխատակիցներից 200-ը կկրճատվեն։
Ազարովը բացատրել է, որ ինքը գնացել է այդ քայլին այն բանից հետո, երբ բրիտանական կոսմետիկական Lush ընկերությունը մարտի 10-ին հայտարարեց, որ կդադարեցնի իր արտադրանքի մատակարարումները Ռուսաստան՝ Ուկրաինա ռուսական ներխուժման պատճառով։
«Եթե մատակարարումները չվերսկսվեն, ապա դա նշանակում է բիզնեսի ավարտ»,- ասել է Ազարովը։ Նրա հաշվարկներով՝ ռուսական Lush-ի արտադրանքի պաշարները կտևեն երեք ամսից ոչ ավելի։
Ռուսական Lush ցանցը գոյություն ունի 2001 թվականից։ SPARK-ի տվյալներով՝ Ազարովին է պատկանում ռուսական ընկերության 65%-ը, բրիտանական Lush-ին է պատկանում մնացած 35%-ը։ Ավելի վաղ՝ ապրիլին, բրիտանական Lush-ի ղեկավար Մարկ Կոնստանտինը հայտարարել էր, որ ընկերությունը դուրս է գրել ռուսական բիզնեսում իր մասնաբաժինը։ Ազարովը Forbes-ին հայտնել է, որ մնացած մասնաբաժինը դեռ իրեն չի փոխանցվել։
Աղբյուրը՝ Meduza-ի։
Թարգմանությունը՝ Աստղ Խաչատրյանի։
