Պակիստանի խորհրդարանն անվստահություն է հայտնել և պաշտոնանկ արել երկրի վարչապետ Իմրան Խանին, հայտնում է Reuters-ը:
Պակիստանի խորհրդարանի ստորին պալատում Խանի պաշտոնանկության քվեարկությունը տեւել է մոտ 13 ժամ։ Արդյունքում նախաձեռնությունն ընդունվել է ձայների մեծամասնությամբ՝ այն պաշտպանել են պալատի 342 անդամներից 174-ը:
Ինքը՝ Խանը, քվեարկության նախօրեին ասել է, որ իրեն հեռացնելու փորձերի հետևում կանգնած են ԱՄՆ իշխանությունները:
Պակիստանի խորհրդարանի անդամները պատրաստվում էին ապրիլի 3-ին անվստահություն հայտնել Խանին, սակայն նրա կողմնակիցները արգելափակեցին քվեարկությունը և ցրեցին խորհրդարանը։ Իրավիճակին միջամտեց Գերագույն դատարանը, որը հակասահմանադրական համարեց այս որոշումները և որոշեց քվեարկություն անցկացնել ապրիլի 9-ին:
Թարգմանությունը՝ Աստղ Խաչատրյանի։
