Ֆրանսիական Société Générale ֆինանսական խումբը դադարեցնում է աշխատանքը ռուսական շուկայում։ Նրա հիմնական ռուսական ակտիվը՝ «Ռոսբանկ»-ը,, կվաճառվի Վլադիմիր Պոտանինի «Ինտերռոս»-ին:
«Ինտերռոս»-ի տարածած հաղորդագրության մեջ ասվում է, որ գործարքի պայմանները համաձայնեցվել են Ռուսաստանի Դաշնությունում օտարերկրյա ներդրումների մոնիտորինգի կառավարական հանձնաժողովում։
Գործարքի գումարը, որը նախատեսում է նաև «Ռոսբանկի» ապահովագրական բիզնեսի վաճառք «Ինտերրոսին», չի հաղորդվում: Գործարքի փակումը պետք է տեղի ունենա բոլոր անհրաժեշտ կարգավորող հաստատումները ստանալուց հետո մի քանի շաբաթվա ընթացքում:
«Ինտերրոսի» ամենակարևոր նպատակն է պահպանել Ռոսբանկի կայունությունը և նոր հնարավորություններ ստեղծել իր հաճախորդների և գործընկերների համար: Մենք մտադիր ենք կառավարել բանկի բիզնեսը լավագույն չափանիշներին և փորձին համապատասխան: Մենք վստահ ենք, որ Rosbank-ի պրոֆեսիոնալ թիմը ի վիճակի է դիմակայել ցանկացած մարտահրավերի և ապահովել բանկի կայուն զարգացումը», – ասվում է Վլադիմիր Պոտանինի ընկերության հայտարարության մեջ:
Société Générale-ն առաջին եվրոպական խոշոր ֆինանսական խումբն է, որը հայտարարել է Ռուսաստանից դուրս գալու մասին: «Societe Generale Vostok» բանկը Ռուսաստանում սկսել է գործել 1993 թվականին, մինչ այդ ֆրանսիական խումբը ներկայացուցչություն ուներ ԽՍՀՄ-ում։
«Ռոսբանկ»-ը նախկինում պատկանում էր«Ինտերրոս»-ին: Société Générale-ն ստանձնել է այս վարկային հաստատության վերահսկողությունը 2006-2011 թվականներին բաժնետոմսերի հետգնումից հետո:
Ռոսբանկը ներառված է Ռուսաստանի Բանկի համակարգային կարևոր վարկային կազմակերպությունների ցանկում։ Նրա հաճախորդները 2021 թվականի հոկտեմբերի դրությամբ կազմում էին մոտ 4 միլիոն մարդ։
Օտարերկրյա բանկերը Ռուսաստանից հեռանալու մասին սկսեցին մտածել Ուկրաինայում պատերազմի մեկնարկից և ԱՄՆ-ի, Մեծ Բրիտանիայի ու Եվրամիության կողմից Ռուսաստանի տնտեսության և ֆինանսական հատվածի դեմ կոշտ պատժամիջոցներ սահմանելուց հետո։
Աղբյուրը՝ Meduza-ի։
Թարգմանությունը՝ Աստղ Խաչատրյանի։
