Մայիսի 1-ից «Ժոնգ տոնգ» մակնիշի նոր ավտոբուսներով կսպասարկվի եւս մի քանի երթուղի: Այս մասին աշխատանքային հերթական խորհրդակցության ժամանակ այսօր հայտարարեց Երեւանի քաղաքապետը: Նրա խոսքով՝ գործընթացը կկազմակերպվի ավտոբուսային պարկում այս պահին առկա 54 միավոր շարժակազմով:
Նշենք, որ Երևանի տրանսպորտային պարկը կհամալրվի ևս 100 նոր ավտոբուսով:
Քաղաքապետ Հրաչյա Սարգսյանը հանձնարարել է ավտոբուսների գնման համար մրցութային փաթեթ պատրաստել:
