Ֆրանսիայի նախագահի թեկնածու Մարին Լը Պենը դեմ է արտահայտվել ռուսական էներգակիրների արտահանման դեմ պատժամիջոցներին: Այս մասին նա ասել է France Inter ռադիոկայանի եթերում։
Միևնույն ժամանակ, նա ընդգծել է, որ ինքը ոչ մեկի համար «տրոյական ձի» չէ և կոչ չի անում ամբողջությամբ վերացնել պատժամիջոցները։
«Բայց ես դեմ եմ էներգետիկ պատժամիջոցներին, քանի որ չեմ ցանկանում, որ ֆրանսիացիները բախվեն բացասական հետևանքների»,- ասել է ֆրանսիացի քաղաքական գործիչը։
Նա հավելել է, որ եթե Ռուսաստանը մոտենա Չինաստանին, դա բացասաբար կանդրադառնա Եվրոպայի վրա։ Լը Պենի խոսքով՝ սրանից փորձել է խուսափել Ֆրանսիայի ներկայիս նախագահ Էմանուել Մակրոնը, և այս հարցում նա համաձայն է նրա հետ։
