Ավստրալիայի կառավարությունը տնտեսական պատժամիջոցներ է սահմանել ռուսական 14 ընկերությունների, ձեռնարկությունների և կազմակերպությունների նկատմամբ՝ կապված Ուկրաինայում ստեղծված իրավիճակի հետ։ Այս մասին ասվում է Ավստրալիայի ներքին գործերի նախարարության նամակում, որը տարածվել է այսօր։
Գործակալության հայտարարության մեջ ասվում է, որ Ավստրալիայի ինքնավար պատժամիջոցները կիրառվում են վառելիքաէներգետիկական «Գազպրոմ», «Գազպրոմ Նեֆտ» և «Տրանսնեֆտ» ընկերությունների, «Կամազ» ավտոմոբիլների և շարժիչների ռուսական արտադրողի, «Ալռոսա» ալմաստ արդյունահանող ընկերությունների խմբի, «Ռուսէլեկտրոնիքս» հոլդինգի, «Ռոստելեկոմ» ՓԲԸ-ի և «ՌուսՀիդրո»-ի նկատմամբ:
Մինչ օրս Ավստրալիան պատժամիջոցներ է սահմանել Ռուսաստանի և Բելառուսի ավելի քան 500 քաղաքացիների նկատմամբ, այդ թվում՝ երկու երկրների նախագահներ Վլադիմիր Պուտինի և Ալեքսանդր Լուկաշենկոյի։ Տնտեսական սահմանափակումներ են հայտարարվել ռուսական մի շարք խոշոր ձեռնարկությունների և կազմակերպությունների դեմ, ներառյալ զենքի և դրանցբաղադրիչների, նավթի և գազի արդյունահանման համար հումքի և սարքավորումների արտահանման արգելքը, ինչպես նաև ռուսական էներգակիրների, զենքի և սպառազինությունների ներմուծման արգելքը։
